KWS-A thusim chomcha leh kiphudoh dan
Toh leh tham(job) jeh, themjil jeh ahilou le thildang jeh in Agartala khopi a ihung kisu khom un, ihung kihe to in, tahsa thudol a sopi u le nao ihi jeh in lungset a ana um lheh e. Hichun lhagao a kiloikhom , kipui hoi lou akhoh je ana get jeh in Pr. D Ginsang le inneipi lamkai nan "cottage prayer meeting " ana bol pan un, Saturday nilha sehle in khat a taokhomna le pathen this kihilna ana nei jiuvin ahi. Phat ahung Che in mi ahung tam jep tan in khat a kikhop khom ahung hi theilo phatin, kiloikhom na khat bolding tin kihou khomna tamtak vei akinei nungin bolding pha ana Kisan hiche dungjui a chin mipi dei dungjui in Agartala khopi le akimvel a sopi u le naote jouse hop din may 3rd 2015 in lamkai lhenna ana kinei in KWS-A .
